Azərbaycan, Bakı, 10 sentyabr /Trend, müxbir Zülfiyyə Qurbanova/
Əmək və Əhalinin Sosial Müdafiəsi Nazirliyinin elektron informasiya sistemində əmək müqavilələrin qeydiyyatı yaxın vaxtlarda başa çatacaq. Trend-in məlumatına görə, bunu çərşənbə günü jurnalistlərə əmək və əhalinin sosial müdafiəsi naziri Səlim Müslümov deyib.
Onun sözlərinə görə, hər gün sistemdə ən azı 25-30 min əmək müqaviləsi qeydiyyata alınır.
S.Müslümov qeyd edib ki, elektron sistemdə qeydiyyata alınmış əmək müqavilələrin sayı hazırda 550 mini ötür: "Güman edirəm ki, belə templə yaxın vaxtlarda bu proses başa çatacaq. Ən gec tarix bu ilin sonudur".
O vurğulayıb ki, nazirliyin "Qaynar xətt"inə müraciətlərin 90 faizi məhz bu məsələ ilə bağlıdır.