...

Azərbaycan gömrüyü 2014-cü il üzrə büdcə ödənişlərinin 75 faizini təmin edib

Biznes və iqtisadiyyat xəbərləri Materials 11 Oktyabr 2014 17:27 (UTC +04:00)
Dövlət Gömrük Komitəsi (DGK) 2014-cü ilin yanvar-sentyabr aylarında gömrük rüsumları və vergilərinin yığılması hesabına dövlət büdcəsinə 1 134,9 milyon manat vəsait köçürüb ki, bu da illik proqnozun 74,7 faizini təşkil edir.
Azərbaycan gömrüyü 2014-cü il üzrə büdcə ödənişlərinin 75 faizini təmin edib

Azərbaycan, Bakı, 11 oktyabr /Trend/

Dövlət Gömrük Komitəsi (DGK) 2014-cü ilin yanvar-sentyabr aylarında gömrük rüsumları və vergilərinin yığılması hesabına dövlət büdcəsinə 1 134,9 milyon manat vəsait köçürüb ki, bu da illik proqnozun 74,7 faizini təşkil edir. Bu barədə Trend Komitənin rəsmi saytına istinadən məlumat verir.

Ötən ilin analoji dövrü ilə müqayisədə gömrük yığımlarından dövlət büdcəsinə daxilolmalar 12,4 faiz artıb.

Məlumata görə, yanvar-sentyabr aylarında gömrük rüsumlarından dövlət büdcəsinə daxilolmalar 316,98 milyon manat, idxal edilən malların əlavə dəyər vergisi 762,8 milyon manat, aksizlər - 42,8 milyon manat, yol vergisi isə 12,29 milyon manat təşkil edib.

DGK-nın xətti ilə 2014-cü il üzrə ayırmaların proqnozu 1,52 milyard manat həcmində müəyyən edilib.

Məqalədə:
Xəbər lenti

Xəbər lenti