Azərbaycan, Bakı, 28 noyabr /Trend/
MDB ölkələri Birlik ərazisində əlavə dəyər vergisi məbləğinin qaytarılması sisteminin tətbiqi imkanlarını nəzərdən keçirirlər. Bu sistem Avropada mövcud olan "tax free" sisteminin analoqudur.
Trend-in TASS agentliyinə istinadən verdiyi məlumata görə, bunu MDB-nin Turizm Şurasının sədri, Belarusun turizm nazirinin müavini Çeslav Şulqa deyib.
İdeya müəlliflərinin fikrincə, bu addım MDB ölkələrinin turizm baxımından cəlbediciliyini artırmağa kömək edəcək.
Onun sözlərinə görə, MDB-də turizmin inkişafı üzrə proqramın bütün iştirakçı ölkələri üçün turizm sahəsində qəbul edilən yeni xidmət normalarınıb unifikasiya ediləcəyi gözlənilir.