...

"Azər Türk Bank”ın “Mərkəz” filialı yeni ünvanda

Biznes və iqtisadiyyat xəbərləri Materials 8 Sentyabr 2015 13:30 (UTC +04:00)
"Azər Türk Bank”ın “Mərkəz” filialı yeni ünvanda fəaliyyətə başlayıb.
"Azər Türk Bank”ın “Mərkəz” filialı yeni ünvanda

Azərbaycan, Bakı, 8 sentyabr /Trend/

"Azər Türk Bank"ın "Mərkəz" filialı yeni ünvanda fəaliyyətə başlayıb.

Bankdan Trend-ə verilən məlumata görə, xidmət səviyyəsini yüksəltmək, müştəriləri bank məhsulları ilə daha yaxşı səviyyədə təmin etmək məqsədilə, "Azər Türk Bank" ASC-nin "Mərkəz" filialı yeni ünvanda fəaliyyətə başlayıb.

"Mərkəz" filialı Bakı şəhəri, Bülbül prospekti 44 ünvanında yerləşir. Filialın yeni ofis ilə təmin edilməsi "Azər Türk Bank" ASC-nin xidmət şəbəkəsinin inkişafı strategiyasına uyğun olaraq həyata keçirilib.

Yeni ünvanda vətəndaşlara kassa hesablaşma əməliyyatları, əmanətlər, pul köçürmələri, plastik kartlarının sifarişi, kommunal ödənişlər, nağd valyuta ilə əməliyyatlar da daxil olmaqla, bütün bank xidmətləri təklif edilir.

Bankın xidmət şəbəkəsi, məhsul və xidmətləri barədə daha ətraflı məlumatları www.azerturkbank.az saytından, Bankın sosial şəbəkələrdəki korporativ səhifələrindən, yaxud (012) 945 nömrəli Məlumat Mərkəzindən əldə etmək olar.

Məqalədə:
Xəbər lenti

Xəbər lenti