...

“Excelsior Hotel & Spa Baku” otelində PR mütəxəssislərin dəyirmi masası keçirilib

Biznes və iqtisadiyyat xəbərləri Materials 18 Fevral 2016 14:58
17 fevral 2016-cı il tarixində “Excelsior Hotel & Spa Baku” otelində PR mütəxəssislərin dəyirmi masası keçirildi.
“Excelsior  Hotel & Spa Baku” otelində  PR mütəxəssislərin dəyirmi masası  keçirilib

Trend-i buradan izləyin

Bakı. Trend:

17 fevral 2016-cı il tarixində "Excelsior Hotel & Spa Baku" otelində PR mütəxəssislərin dəyirmi masası keçirildi.

Tədbirdə "Excelsior Hotel & Spa Baku" otelinin baş meneceri Turhan Poyraz, "AtaHolding" ASC Korporativ Kommunikasiyalar şöbəsinin rəisi Dilara Zamanova, "AtaBank" ASC Kommunikasiyalar və PR şöbəsinin rəisi Oruc İbrahimov, "Veysəloğlu" Şirkətlər Qrupu İctimaiyyətlə əlaqələr şöbəsinin müdiri İlham Məmmədov, Qlobal Saziş Azərbaycan şəbəkəsinin nümayəndəsi, İqtisadi Resursların Öyrənilməsi İctimai Birliyinin sədri Ruslan Atakişiyev, Paşa Həyat Sığorta şirkətinin PR meneceri Elnur Hüseynquliyev, "Synergy Group" ASC-nin İctimaiyyətlə Əlaqələr şöbəsinin meneceri Ayxan Nəsibli, Azərbaycan Respublikası Səhiyyə Nazirliyinin mətbuat xidmətinin əməkdaşı Cavid Xəlilov, İqtisadi Araşdırmalar və Tədris Mərkəzinin vitse prezidenti Radil Fətullayev, Qlobal Sazişin Azərbaycan üzrə rəsmi təmsilçisinin köməkçisi, Azərbaycan Su Təsərrüfatı İşçiləri Həmkarlar İttifaqı Respublika Komitəsinin Təşkilati və Beynəlxalq Əlaqələr şöbəsinin müdiri Xəyalə Məmmədova və digərləri iştirak etdilər.

Tədbir zamanı iştirakçılar 2015-ci ildə öz peşə fəaliyyətlərinin yekunları haqqında danışdılar və 2016-cı il üçün planlarını bölüşdülər. Cəmiyyətlə ictimaiyyətlə əlaqələrin maraq doğuran sahələri barədə fikir mübadiləsi aparıldı. Tədbir zamanı həmçinin, PR üzrə təlim treninqi də keçirildi.

"Excelsior Hotel & Spa Baku" otelinin baş meneceri Turhan Poyraz qeyd etdi ki, "Mütəxəssislərin bu cür dəyirmi masaları məhsuldar təcrübə mübadiləsi aparmağa, peşə səviyyəsini yüksəltməyə, praktiki bilikləri mənimsəməyə və cəmiyyətlə əlaqələri yaxşılaşdırmağa kömək edir".

Məqalədə:
Xəbər lenti

Xəbər lenti