Bakı. Ənvər Məmmədov - Trend:
Azərbaycan Gürcüstanla sərhəddə vahid gömrük inzibati binasının tikintisi üzrə danışıqlar aparır.
Trend-in məlumatına görə, bunu Dövlət Gömrük Komitəsinin sədri Səfər Mehdiyev deyib.
O qeyd edib ki, əgər danışıqlar uğurla davam etsə, bu, regionda hər iki ölkənin gömrükçülərinin birgə çalışdığı ilk birgə inzibati bina olacaq:
"Yeni binanın "Sınıq Körpü" nəzarət-buraxılış məntəqəsinin (NBM) yaxınlığında inşası planlaşdırılır".
S.Mehdiyev bildirib ki, bu məsələ ilə bağlı müsbət qərar ticarətin əhəmiyyətli dərəcədə sadələşdirilməsinə və NBM-lər vasitəsilə vətəndaşların və yüklərin buraxılışını sürətləndirməyə gətirib çıxaracaq.