Bakı. Trend:
Azərbaycanda xarici və yerli investorlar üçün etibarlı və müasir infrastruktur yaradılıb.
Trend xəbər verir ki, bunu Azərbaycan İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda "Azərbaycan-Latviya informasiya və şəbəkə görüşü" mövzusunda keçirilən tədbir çərçivəsində bildirib.
"Ölkəmizdə sənaye zonaları, azad iqtisadi zonalar və sənaye parkları fəaliyyət göstərir. Qeyd etmək istərdim ki, Qarabağ regionu və azad olunmuş ərazilər 10 illik vergi və gömrük güzəştləri kimi əlavə üstünlüklər təqdim edir ki, bu da, şübhəsiz, şirkətlər üçün maraqlıdır.
Biz xarici və yerli investorlar, həmçinin, qeyri-neft sektoruna aid ixracatçılar üçün "vahid pəncərə" prinsipi əsasında işləyirik", — deyə o vurğulayıb.