Gəncə avtomobil zavodu öz məhsulunun ilk ixracı məsələlərini razılaşdırır.Zavodun direktoru Xanlar Fətiyev eksklüziv olaraq Trend agentliyinə bildirib ki, hazırda zavodun məhsullarının Gürcüstandakı distribütoru vasitəsilə Gürcüstan bazarına tədarük üçün nəzərdə tutulmuş avtomobillərin komplektləşdirilməsi məsələləri müzakirə edilir.
X.Fətiyev qeyd edib ki, avtomobillərin ilk partiyası 17 ədəd təşkil etməlidir. Bununla avtomobillərin dəyəri gömrük prosedurasından keçirilmədə xərclər nəzərə alınmaqla ucuzlaşdırılacaq.
Hazırda Gəncə avtomobil zavodunun xaricdə tək bir distribütoru vardır.Öz istehsalını yenidən qurduğu vaxtdan etibarən 350 avtomobil buraxıb.Yalnız cari il ərzində 300 avtomobil (2004-cü ilin son həftəsi ərzində - zavodda istehsala dekabrın 24-də başlanılıb - Gəncə avtomobil zavodu əmək və əhalinin sosial müdafiəsi nazirliyinin sifarişilə 43 avtomobil istehsal edib) buraxılıb.
"Oka" markalı avtomobillərin istehsalı KAMAZ avtomobil zavodu ilə imzalanmış müqavilə çərçivəsində həyata keçirilir.Ümumiyyətlə 2005-ci ildə zavod bu markadan olan təxminən 3 min avtomobil buraxmağı planlaşdırır. Marketinq tədqiqatları göstərir ki, Azərbaycan bazarının 2 min "Oka" markalı avtomobilə ətləbatı vardır. Qalan avtomobillər isə ixrac üçün nəzərdə tutulub.