Azərbaycanın Maliyyə Nazirliyi dövlət qısamüddətli istiqraz vərəqələrinə (DQİV) səkkizinci emissiyanın yerləşdirilməsi üzrə hərrac keçirib. Bakı Fond Birjasında Trend ə bildirildiyi kimi, 10100808S qeydiyyat nömrəli DQİV satış predmeti olub. Emissiyanının ümumi həcmi 25 mlrd manat, dövriyyə müddəti 31 gün təşkil edib. Ödəniş vaxtı isə cari ilin sentyabr ayının 1-nə təyin edilib.
Birjanın dörd iştirakçısı və dörd investor tərəfindən 99,11% (gəlirlilik 10,57%) - 99,19% (9,61%) qiymət diapazonunda 24 776 mln manat məbləğində ərizələr verilib. Ərizələr təmin olunub. Kəsilmə xətti 99,11% (10,57%), orta isə - 99,14% (10,21%) müəyyən edilib.
Beləliklə, cari ildə AR MN 230 mlrd manat dəyərində DQİV buraxıb. Bu isə qiymətli kağızlar üzrə Dövlət Komitəsində cari ildə qeydiyyata alınmış DQİV-in həcminin (400 mlrd manat) 57,5%-ni təşkil edib. Lakin AR MN buraxılmış istiqraz vərəqələrinin ümumi həcminin yalnız 43,31%-ni yerləşdirib (99,618 mlrd manat).
