Azərbaycan iqtisadiyyatının gələcək inkişafı üçün bir sıra problemlər aradan qaldırılmalıdır. Trend agentliyi bildirir ki, bu barədə milli istehsala dəstəyə həsr olunmuş konfransda çıxışı zamanı BMT inkişaf Proqramının (BMT İP) əlaqələndiricisi Marko Barsotti bəyan edib.
Onun sözlərinə görə, Azərbaycan sənayesi yaxşı səviyyədədir, gələcəkdə ölkədə böyük neft gəlirləri gözləmək olar ki, həqiqət göstərir ki, bu, Azərbaycanın büdcə göstəricisini bir barel üçün $35 artırıb.
Amma M.Barsotti Azərbaycan iqtisadiyyatında əksəriyyətini " Hollandiya sindromu" təhlükəsi adlandırdığı bir sıra problemləri qeyd edib.
O, həmçinin bildirib ki, ölkədə qeyri-neft sektorunu inkişaf etdirmədən inflyasiya artımı ilə mübarizə aparmaq çətin olacaq.
O, yoxsulluq səviyyəsi göstəricisinin ölkə iqtisadiyyatının inkişafına imkan vermədiyini bildirib. M.Barsotti qeyd edib ki, Azərbaycanın digər bir problemi inhisarçılıqdır.
BMT İP-nin əlaqələndiricisi özəlləşdirilmə tempinin sürətləndirilməsini hökumətə tövsiyə edib və qeyd edib ki, hazırda Azərbaycan üçün əsas tapşırıq insan kapitalının inkişafı olmalıdır.
Ölkədə infrastrukturların inkişafı vacibdir, belə ki, dəmir yolu, hava və digər məlumat növləri və infrastrukturlar olmadan iqtisadiyyatın inkişafı mümkün deyil.
M.Barsotti bildirib ki, ölkəyə bank sektoru islahatları vacibdir, belə ki, bank sistemi dünya standartlarına müvafiq olmayan xidmətlər göstərir.
Azərbaycan sahibkarları üçün yerli bankda $3 mln. məbləğindən çox kredit almaq problemli məsələdir.
M.Barsoti dövlət banklarının özəlləşdirilmə prosesinin fəallaşdırılmasını hökumətə tövsiyə edib və qeyd edib ki, bunsuz həmin sektorda lazımi inkişaf baş verməyəcək.
BMT İP-nin əlaqələndiricisi həmçinin DTT-yə daxil olma prosesinin tempini sürətləndirməyi hökumətə tövsiyə edib, yoxsa ölkə öz məşsulunun ixracı ilə bağlı problemlərə məruz qalacaq.
O, qeyd edib ki, ölkəyə neft gəlirlərinin istifadəsi ilə qeyri-neft sahəsində iqtisadiyyatın diversifikasiyası vacibdir.
