Azərbaycanın İqtisadi İnkişaf Nazirliyinin dövlət əmlakını idarə etmə və özəlləşdirmə Departamenti investisiya müsabiqəsi keçirməklə Cicekli kiçik su elektrik stansiyasının özəlləşdirilməsini elan edib. Departamentdə Trend ə bildirildiyi kimi, Cicekli kiçik su elektrik stansiyası 276,8 mln manat ($58,8 min) məbləğində nizamnamə kapitalına malik səhmdar cəmiyyət kimi satışa çıxarılıb.
Müsabiqənin predmeti Cicekli kiçik su elektrik stansiyasının səhmlərinin 94,33%-dir. Pretendetlərin sənəd və təklifləri 2005-ci il noyabrın 2-nə kimi qəbul edilir, həmin ilin noyabrın 4-də isə onların qiymətləndirilmə prosesi başlanacaq.
Pretendentlər təkliflərlə yanaşı, bank zəmanəti təqdim etməli, Departamentin bank hesabına 30 mln manat keeçirməlidirlər.
Müsabiqənin qalibi alqı-satqı müqaviləsinin imzalanmasından sonra 30 gün ərzində qoyulacaq kapitalın ümumi həcminin 5%-ni müəssisənin hesablaşma hesabına, 70 mln manat ($14,8 min) dövlət büdcəsinə keçirməli, 6400 özəlləşdirmə payı təqdim etməlidirlər.
Ölkə prezidentinin 21 dekabr 2001-ci il tarixli sərəncamı ilə Azərbaycanın 40 kiçik su elektrik stansiyalarından (0,5 MBt-dən 6 MBt-a qədər gücə malik) 9-u (Quba, Qusar, Şəki, Cicekli (Zurnabad), Muğan, Zeyhur, Nügədi, Balakən və Çinarlı) özəlləşdirmə üçün açıq elan edilib.
Bu vaxta qədər 2 kiçik SES özəlləşdirilib. Şəki SES Amerikanın General Construction MMC, Mugan SES isə Iiles-M.A. tərəfindən alınıb. Bu ilin əvvəlində satışa çıxarılmış Nügədi SES isə hələ özəlləşdirilməyib. Bu SES-lərin özəlləşdirilməsi üzrə İİN-nin maliyyə məsləhətçisi ASPI Consulting Engineers Inc Azərbaycan şirkətidir.