Azərbaycan və Dünya bankı (DB) 10 gün ərzində yoxsulluğun azaldılmasına dəstək göstərilməsi Layihəsi (Poverty Reduction Support Credit - PRSC) üzrə kredit sazişi imzalamağı planlaşdırır. Hökumətdə Trend agentliyinə bildirilib ki, Nazirlər Kabineti maliyyə nazirliyinə artıq müvafiq səlaşiyyətlər verib.
Həmin kreditin vəsaitlərinin büdcə defisitinin ödənməsi üçün istifadə olunacağı planlaşdırılır.
Kreditin verilməsi 2003-2005-də ölkəyə yardım göstərilməsinin cari Strategiyası (Country assistant project - CAS) çərçivəsində Dünya bankının direktorlar Şurası tərəfindən mayın 17-də bəyənilmişdi.Layihə çərçivəsində Azərbaycana qreys dövrü 10 il olmaqla 35 il müddətinə $20 mln. həcmində vəsait ayrılacaq.Layihənin əsas komponentləri iqtisadiyyatın qeyri-neft sektorunun inkişafı, uçot imkanlarının artırılması və idarəetmənin təkmilləşdirilməsi, sosial cəlbetmənin tətbiqi və ünvanlı xidmətin təkmilləşdirilməsidir.Bununla layihənin vəsailərinin aşağıdakı qaydada bölüşdürülməsi planlaşdırılır: təhsil - 5%, səhiyyə və sosial xidmətlər - 5%, energetika məsələləri - 40%, sənaye və ticarət - 40%, əsas maliyyələr - 10%. Kredit Beynəlxalq inkişaf Assosiasiyasının şərtləri ilə ayrılır.