Seyntyabrın 9-da Beynəlxalq Maliyyə Korporasiyasının (BMK- Dünya Bankının qrupu) "Korporativ idvrəetmə və onun əhəmiyyəti" mövzusunda Qubada seminar keçirir. Layihədən Trend ə verilən məlumata görə, seminarın işində 30 şirkətin inümayəndəsi iştirak edəcək. Seminar müşahidəçi şuraların və səhmdar cəmiyyətlərin İdarə Heyətlərinin üzvləri üçün keçirilir.
Layihənin meneceri Çarlz Kenfild bildirib ki, Bakıya yaxın ərazidə yerləşən şəhərlərdə belə seminarların keçirilməsi Azərbaycan ərazisində yüksəkkeyfiyyətli korporativ idarəetmənin təcrübəsinin yayılması, eləcə də Azərbaycanın səhmdar cəmiyyətlərinə investisiyaların cəlb edilməsi və onların fəaliyyətinin səmərəliliyinin artırılması üçün şəraitin yaradılmasıdır.
"Biz inanırıq ki, şirkətlərdə və banklarda korporativ idarəetmə təcrübəsinin təkmilləşdirilməsi Azərbaycanda biznes mühitini daha şəffaf və açıq edir və nəticədə Azərbaycanda özəl sektorun inkişafına təkan verir ", - deyə Kenfild bildirib.
Qeyd edək ki, əvvəllər belə seminarlar mayın 11-də Gəncədə, iyulun 22-də Lənkəranda və avqustun 9-da NMR-da keçirilib.
