2005-ci ilin yanvar-avqustunda Naxçıvan Muxtar Respublikasında (NMR) 150543,8 mln. manat ($32,7 mln.) məbləğində mal istehsal olunub və xidmət göstərilib ki, bu da ötən ilin analoji dövrü ilə müqayisədə 75,2% çoxdur.
NMR-nin Bakıdakı daimi nümayəndəliyində Trend ə bildirilib ki, sənaye istehsalının 0,5%-i hasilatın, 78,5%-i emalın, 21%-i qaz, su və elektrik enerjisinin istehsalı və paylaşdırılması üzrə müəssisələrin payına düşür. Ümumi məbləğ strukturunda sənaye istehsalının 45781,8 mln. manatı ($9,97 mln.) dövlət sektorunun, 104762 mln. manatı ( $22,82 mln.) isə özəl sektorun paına düşür. Bu göstərici 2004-cü illə müqayisədə 17,4% və müvafiq olaraq 2,2 dəfə çoxdur.
Bundan başqa, ilin əvvəlindən muxtar respublikanın mənzil-istismar müəssisələri tərəfindən 7744,7 mln. manat ($1,687 mln) həcmində xidmət göstərilib.
Nümayəndəlikdə əsas iqtisadi göstərici məsələsinə toxunularaq bildirilib ki, ÜDM istehsalı bu dövrdə 957350,7 mln. manat ($208,57 mln.) təşkil edib ki, bu da 2004-cü ilin analoji göstəricisindən 25,2% çoxdur.
Bu məbləğdən 444,327 mln. manat mal istehsalının, 475,318,4 mln. manat xidmətlərin əlavə dəyəri və 37705,3 mln. manat isə məhsula və idxala birbaşa vergilərin payına düşür.
