Azərbaycanın Maliyyə Nazirliyi dövlət qısamüddətli istiqrazların yerləşdirilməsi üzrə hərrac keçirib. Bakı fond birjasından Trend ə verilən məlumata görə, cari ildə MN 15 DQİ emissiyasının hərracını keçirib.
Hərraca 10601508S dövlət qeydiyyat nömrəli DQİ çıxarılıb. Hərracda 27 615 mln manat məbləğində ərizə vermiş 6 investor iştirak edib. Ərizələr 95,53% (gəlirlilik - 12,49%) - 96,27% (11,59%) diapazonunda verilib. MN-in qərarı üzrə kəsilmə xətti 95,99% (gəlirlilik-12,49%), orta qiymət - 96,11% (gəlirlilik-12,1%) təşkil edib.
DQİ 4 984 mln manat məbləğində yerləşdirilib. Bu həcmin 1 281 mln manatını qeyri-rəqabət xarakterli ərizələr təşkil edib.
DQİ-nin ödənilmə tarixi 2006-cı il yanvarın 30-na təyin olunub.
2005-ci ildə MN ümumi nominal dəyəri 430 mlrd manat olan 15 DQİ buraxılışı və ya qeydiyyata alınmış emissiya prospektinin (400 mlrd manat+100 mlrd manat) 86%-ni elan edib. 15 buraxılışdan isə 218,153 mlrd manat cəlb olunub.
