Oktyabrda Azərbaycanda yaranmış ümumi inflyasiyanın 38,3%-ə qədəri monetar amillərlə bağlıdır. Azərbaycan Milli Bankından Trend ə verilən məlumata görə, oktyabrda baza inflyasiyası 2005-ci ilin sentyabr ayı ilə müqayisədə 0,5%, 2004-cü ilin dekabr ayı ilə müqayisədə 2,9%, illik hesablama üzrə isə 7% təşkil edib. İstehlak inflyasiyasının səviyyəsi isə 0,5%, 2,8% və 7,1%-ə bərabər olub. Həmin ay ərzində baza inflyasiyası 0,3%, 2,5% və 7% təşkil edib.
İstehlakçı inflyasiyaya monetar təsir (38,3%) 2004-cü ilin dekabrından (26,3%) pul kütləsinin artması və effektiv mübadilə məzənnəsinin aşağı düşməsilə (-12%) əlaqədardır. Qeyri monetar amillər (61,7%) özünü suyun (+3,2%) və təbii qazın (+4,2%) qiymətlərinin qalxması, mövsümlə bağlı amillər (+10,5%), ötən ilin inflyasiya dlinamikasının inersiyası (+13,2%), bazarda təklifin artması (-2,9%) və tələbin mövsümi xüsusiyyətlərində (-27,7%) özünü göstərib.