Dekabrın 6-da Azərbaycana Yaponiya hökumətinin ayırdığı qrantın hesabına alınmış kənd təsərrüfatı texnikası gətirilib. Kənd Təsərrüfatı Nazirliyindən Trend ə verilən məlumata görə, ölkəyə Yaponiyanın Sampo şirkətindən $1,8 mln (2 mln ien) məbləğində alınmış 25 kombayn gətirilib.
Nazirlikdən bildirilib ki, gətirilmiş texnika Kənd Təsərrüfatı Nazirliyinin Ucardakı sərgi və satış mərkəzindlə yerləşdiriləcək. Sonradan texnikanın regionlarda fermerlərə paylanılmasına başlanılacaq.
Adıçəkilən texnikanın alınması üzrə tender proseduraları 2005-ci ilin iyulunda Yaponiyada keçirilib və yapon tərəfinin dəvəti ilə Nazirliyin nümayəndələri də həmin tədbirdə iştirak edib.
Yaponiya ilə qrant razılaşması 2005-ci ilin martında Kənd Təsərrüfatı Nazirliyində nazir İsmsət Abbasov və Yaponiyanın Azərbaycandakı səfiri Tadahiro Abe tərəfindən imzalanıb.