Azərbaycan və Polşa Mərkəzi banklarının gələcək əməkdaşlığının perspektivləri Polşa Milli bankı prezidentinin ofis direktoru Remiqiz Paşkeviçin başçılıq etdiyi nümayəndə heyətinin Bakıya səfəri çərçivəsində müzakirə edilib. Bu barədə Trend ə AMB-də bildirilib.
Səfər zamanı polşalı bankirlər Polşanın kommersiya banklarında xarici nəzarət məsələləri üzrə Polşa Milli bankının regional şəbəkə, təhlükəsizlik və beynəlxalq münasibətlərin restrukturlaşdırılmasının təqdimatını keçirib. Dünya bankının Azərbaycanın da təmsil olunduğu qrupunun icraçı direktoru Yakob Karnovskinin də qatıldığı nümayəndə heyəti AMB-nin departamentlərinin fəaliyyəti, iş təcrübəsi ilə tanış olub, aparılan işlərin səviyyəsi yüksək qiymətləndirilib.
