Kənd Təsərrüfatı nazirliyinin operativ məlumatına əsasən, 2005-ci ilin əvvəlində 79 654 ton üzüm yığılıb ki, bu da 2004-cü illə müqayisədə 24 754 ton çoxdur. Bu barədə Trend ə nazirlikdən məlumat verilib.
2005-ci il ərzində üzüm yığımının proqnoz göstəricisi 70 min ton həcmində müəyyənləşdirilsə də, yeni üzüm plantasiyalarının yaradılması ilə əlaqədar yüksək məhsuldarlıq müşahidə olunub.
"Hər il əkin sahələrinin artması ilə əlaqədar 2006-cı ildə də yüksək məhsuldarlıq gözlənilir", - deyə nazirlikdə vurğulayıblar.
Bu il 9641 ha sahənin 7355 ha-da məhsul yığılıb. 2004-cü ildə 7,9 min ha üzüm plantasiyasından 54 min 900 ton üzüm yığılmışdı.
Azərbaycanın müxtəlif regionlarında, xüsusilə Cəlilabad, Qazax, Xanlar, Kürdəmir və Tovuzda yeni plantasiyaların salınmasını nəzərdə tutan, 2004-2008-ci illərdə regionların sosial-iqtisadi inkişafı üzrə dövlət proqramına əsasən, hər il 100-150 ha yeni üzümlüklər salınır, Xanlar, Cəlilabad və Şamaxı rayonlarında isə Fransadan gətirlmiş üzüm növləri yetişdirilir.
