Yanvarın sonuna kimi qərb banklarından dövlət zəmanəti olmadan vəsaitlərin cəlb olunması haqqında sazişlərin bağlanması gözlənilir. Bu barədə jurnalistlərə iqtisadi inkişaf naziri Heydər Babayev məlumat verib. Bu, avrobondların ilkin yerləşdirilməsidir. Vəsaitlərin cəlb olunması dövlət təşkilatı tərəfindən həyata keçiriləcək.
"Saziş üzrə vəsaitlərin cəlb olunma dəyəri müəyyənləşdiriləcək və bu, Azərbaycanın iqtisadiyyatı üçün göstərici olacaq. Vəsaitlərin dəyəri müəyyənləşdirildikdə dövlət aşağı dərəcə ilə vəsait alacaq və o zaman biz suveren bondların buraxılması təklifi ilə çıxış edə bilərik", - deyə o qeyd edib.
Saziş üzrə $100 mln məbləğində ayrılması nəzərdə tutulmuş vəsaitin həcmi artırılacaq. Bundan başqa, vəsaitlərin böyük həcmi ilə əlaqədar qərb banklarının sindikatlaşdırılması gözlənilir.