Azərbaycan Milli Bankı 2006-cı ildə banklararası kredit bazarında iştirakını fəallaşdırmağa və Təşkil olunmuş Banklararası Kredit Bazarına çıxmağa hazırlaşır. "AMB banklararası kredit bazarına bu il pul bazarının inkişafındakı yeniliklərlə çıxacaq", - deyə Trend ə bankın baş direktoru Şahmar Mövsümov məlumat verib. Bu, reallaşdırılması bank bazarlarını "hərəkətə gətirməyə" imkan verəcək ən böyük layihələrdən biridir.
Bakı Banklararası Valyuta Birjasından (BBIB) Trend ə verilən məlumata görə, 2003-cü il fevralın 10-dan AMB-nın İdarə Heyətinin qərarı ilə Təşkil olunmuş banklararası kredit bazarında overnayt və lombard kreditlər üzrə diskont pencərə fəaliyyət göstərir ki, burada ardıcıl olaraq 10 % illik dərəcə ilə qısamüddətli manat vəsaitlərinin yerləşdirilməsi üzrə ərizələr qəbul edilir. Lakin ölkədəki inflyasiya problemləri ilə əlaqədar keçirilən tədbirlərlə bağlı Milli Bank 2005-ci ilin fevralından lombard kreditlərinin yerləşdirilməsi üzrə ərizələrin qəbulunu dayandırıb.
Mərkəzləşdirilmiş kredit ehtiyatlarının yerləşdirilməsi vasitəsilə kredit hərraclarının dirçəldilməsinə gəldikdə, bu zaman Ş.Mövsümov TBKB vasitəsilə kredit bazarında iştirakın eyni olduğunu, lakin bu zaman yeni formanın tətbiq edildiyini bildirib.
