...

Azərbaycan Milli Sahibkarlar Konfederasiyası yanında korrupsiya ilə mübarizə mərkəzi yaradılıb

Biznes və iqtisadiyyat xəbərləri Materials 7 Fevral 2006 15:51 (UTC +04:00)

Azərbaycan Milli Sahibkarlar Konfederasiyası yanında korrupsiya ilə mübarizə mərkəzi yaradılıb və texniki işlər artıq başa çatıb. Bu barədə Trend ə AMSK-nın rəhbəri Ələkbər Məmmədov məlumat verib. Mərkəzin yaradılmasında əsas məqsəd sahibkarların problemlərinin korrupsiya ilə mübarizə üzrə dövlət komissiyası və respublika prokurorluğunun korrupsiya idarəsində qaldırılmasından ibarətdir. Mərkəzə rəhbərlik etmək üçün ilkin mərhələdə 1 illik müqavilənin bağlanacağı almaniyalı hüquqi ekspert dəvət olunacaq. Mərkəzin işinin səmərəliliyi təqdirdə onunla müqavilənin müddəti uzadılacaq.

"İşgüzar şəxslər birbaşa bu orqanlara müraciət etmək istəmir, buna görə də onlar ilk növbədə mərkəzlə əlaqə saxlayacaq, konfederasiyanın hüquqşünasları tərəfindən məmurlarla bağlı cinayət faktları aşkar olunduqda bu barədə dövlət komissiyası və prokurorluğun idarəsinə xəbər veriləcək", - deyə Ə.Məmmədov qeyd edib. Onun sözlərinə görə, artıq sahibkarların müraciət edə biləcəyi şəbəkə yaradılıb.

Ə.Məmmədov həmçinin, regionlarda mərkəzin nümayəndəliklərinin açılması ilə bağlı niyyətləri barədə də bildirib.

Xəbər lenti

Xəbər lenti