"Milli Məclis tərəfindən qəbul edilən "Əczaçılıq haqqında" qanuna xaricdən ölkəyə yararsız və insan sağlamlığına təhlükə törədə biləcək dərmanların gətirilməsinin qarşısının alınması məqsədilə yenidən baxılacaq". Trend in məlumatına görə, bu barədə Milli Məclisin sosial siyasət daimi komissiyasının sədri, millət vəkili Hadı Rəcəbli bildirib.
Komissiya sədri daha iki qanun layihəsi üzərində işlənildiyini bildirib: "Bunlardan biri "Repatriasiya haqqında" qanun layihəsidir. Bu sənəddə geridönmə problemi, prosesi tənzimlənəcək". Komissiya sədri Dağlıq Qarabağ problemi, mehseti türklərinin vətənlərinə dönmələri ilə bağlı məlumat verərək bu layihənin qəbulunun zəruriliyini vurğulayıb.
H.Rəcəbli digər qanın layihəsinin isə "Pasientin hüquqlarının müdafiəsi haqqında" olduğunu bildirib. Qeyd edib ki, səhiyyənin müxtəlif sahələrini tənzimləyən qanunlar həyata keçirilib. Ancaq pasientlərlə bağlı qanunumuz yoxdur. Yaxın vaxtlarda adıçəkilən üç qanun layihəsinin parlamentin müzakirəsinə çıxarılacağını bildirib.
