...

Sahibkarlığa dəstək üçün daha bir dövlət strukturu yaradılır

Biznes və iqtisadiyyat xəbərləri Materials 14 Fevral 2006 20:49 (UTC +04:00)

Azərbaycanda sahibkarlığa dəstək və qeyri-neft sektorunun inkişafının prioritetliyi üçün dövlət investisiya şirkəti təsis edilir. Trend AR DNF-in icraçı direktoru Samir Şərifova istinadən bildirir ki, bu, sahibkarlığa dəstək üçün hökumətin bazar iqtisadiyyatının prinsiplərinə məxsus modellərindən biridir.

"Respublikada sahibkarlığa dəstək Milli Fondu fəaliyyət göstərir, kiçik və orta sahibkarlıq layihələrini kreditləşdirir, bununla belə böyük debatlar AR DNF-in hesabına verilən vəsaitlərə də aid olub. Amma bunun üçün banklar mövcuddur" -deyə S.Şərifov öz qənaətini bildirib. Neft Fondunun 2006-cı il büdcəsində investisiya şirkətinin nizamnamə kapitalının formalaşdırılması üçün 90 mln. AZN qoyulub. Bu dövlət şirkəti vasitəsilə sahibkarlığa dəstəyi nəzərdə tutan müəyyən layihələr maliyyyələşdirilə bilər, xüsusilə qeyri-neft sektorunda fəaliyyət göstərən və strateji sərmayəçiləri cəlb edən müəssisələrə vəsaitlər ayrılacaq. S.Şərifovun sözlərinə görə, hökumət riskin bir hissəsini (30-40%) öz üzərinə götürmək niyyətindədir, qalanı isə strateji sərmayəçilərə həvalə ediləcək.

İnvestisiya şirkətinin yaradılması ilə bağlı təkliflər artıq müvafiq dövlət orqanları, o cümlədən Maliyyə nazirliyi ilə razılaşdırılıb. Şirkət səhmdar cəmiyyət formasında yaradılacaq və bura dövlət kapital qoyacaq.

Xəbər lenti

Xəbər lenti