...

Kənd təsərrüfatı Nazirliyi "Kənd təsərrüfatının inkişafı və kreditləşdirilməsi" layihəsinin növbəti mərhələsi üzrə hazırlıq işləri aparır

Biznes və iqtisadiyyat xəbərləri Materials 20 Fevral 2006 15:23 (UTC +04:00)

Kənd təsərrüfatı Nazirliyi "Kənd təsərrüfatının inkişafı və kreditləşdirilməsi" layihəsinin növbəti mərhələsi üzrə hazırlıq işləri aparır. Trend bildirir ki, fevralın 20-də AR k/t naziri İsmət Abbasov bu barədə jurnalistlərə bəyan edib.

Onun sözlərinə görə, layihənin ümumi dəyəri $100 mln. olaraq qiymətləndirilir, bundan $23 mln. artıq ayrılıb, qalan hissə isə ikinci və üçüncü mərhələlər çərçivəsində istifadə olunacaq.

"Hazırda layihənin ikinci mərhələsinin son məbləğinin müəyyən edilməsi üzrə danışıqlar aparılır. Amma bizim hesabımıza görə, layihə çərçivəsində məbləğin təxminən 60% istifadə oluna bilər" -deyə nazir vurğulayıb.

İ.Abbasov qeyd edib ki, ikinci mərhələnin gerçəkləşdirilməsinə yaxın vaxtlarda başlanacaq.

Dünya bankı ilə birgə həyata keçirilən layihə üzrə saziş 1999-cu ildə imzalanıb.

Layihə fermerlərin daşınmaz əmlakının qeydiyyatı, fermer təsərrüfatlarının və torpaqlarının qeydiyyatı və kreditləşdirilməsi üzrə regional idarənin yaradılmasını nəzərdə tutur.

Xəbər lenti

Xəbər lenti