Milli Məclisin dövlət quruculuğu və hüquq siyasəti, sosial siyasət və insan hüquqları daimi komissiyalarının martın 2-də keçirilən birgə iclasında "Gender bərabərliyinin təminatı haqqında" qanun layihəsi müzakirə olunub. Trend xəbər verir ki, adıçəkilən qanun layihəsi barədə insan hüquqları daimi komissiyasının sədri, millət vəkili Rəbiyyət Aslanova məlumat verib.
R.Aslanova bildirib ki, məqsəd müxtəlif cinsli şəxslərin ictimai həyatın bütün sahələrində bərabər hüququnun təmin edilməsi, cinsi mənsubiyyətə görə ayrı-seçkiliyin bütün formalarını aradan qaldırmaq, qanunda gender ayrı-seçkiliyinə və seksual qısnamaya yol verilməməsi, gender bərabərliyinin təmin edilməsi üzrə dövlətin fəaliyyətinin əsas istiqamətləri, əməyin ödənilməsində bərabərlik, işə götürənin vəzifələri, tədris müəssisələrində ayrı-seçkiliyin aradan qaldırılması, siyasi partiyalr və təşkilatların fəaliyyətində gender bərabərliyinin təmin edilməsi yeni qanun layihəsində öz əksini tapıb.
Müzakirələrdən sonra adıçəkilən qanun layihəsi parlamentin müzakirəsinə təqdim edilib.
