SWIFT Beynəlxalq Banklararası Maliyyə Kommunikasiya Cəmiyyəti iyunun 15-də Azərbaycan Kredit Bankının üzvlüyə qəbul oluması məsələsinə baxacaq. Bu barədə Trend ə bankdan məlumat verilib. Bu, banka SWIFT əsasında qurulmuş, iri ödənişlər (AZİPS) üzrə milli ödəmə sisteminə qoşulmağa imkan verəcək. Bununla yanaşı, bank artıq kiçik ödənişlər üzrə klirinq hesablama sisteminə (XONKS) dair kollektiv sazişə qoşulub.
Hazırda Azərbaycan Kredit Bankı MIGOM, "SÜRƏTLİ POÇT" və Western Union beynəlxalq pulköçürmə sistemləri ilə əlaqələr qurur. Bu sistemlərə aprelin sonunda qoşulmaq planlaşdırılır.
Bankın proqnozlarına görə, strukturun beynəlxalq ödənişlər üzrə dövriyyəsi $200 milyon, kiçik ödənişlər üzrə isə 200 mln köhnə manatdan çox olacaq.
Martın sonundan bank Azərcell və Bakcell mobil rabitə operatorları abunəçilərinə xidmət göstərməyə başlayır.
Bank Azərbaycanın 11 fiziki şəxsinin təsisçiliyi ilə yaradılıb və 29 dekabr 2005-ci ildə AMB-dən verilmiş lisenziya əsasında fəaliyyət göstərir. Azərbaycan Kredit Bankının nizamnamə kapitalı 5,152 mln manat təşkil edir.