Maliyyə nəzarətinin ali orqanları - Azərbaycan, Rusiya və Qazaxıstanın Hesablama palataları (HP) Xəzər dənizinin təbii ehtiyatlarının, eləcə də nərə balığı növlərinin mühafizəsi və rasional istifadəsinə yönəldilmiş vasitələrdən istifadənin səmərəliliyini yoxlamaq niyyətindədir. Azərbaycan HP-də Trend ə bildirilib ki, dövlət strukturu tərəfindən Rusiya auditorları və Qazaxıstanın iştirakı ilə birgə iş aparılması 2006-cı ilin planına daxil edilib.
"Auditor işinə iranlı həmkarların da qoşulacağı istisna edilmir" -deyə HP-də qeyd olunub.
Auditin keçirilmə vaxtı və şərtləri məsələsinə gəlincə, dövlət strukturunda qeyd olunub ki, bu məsələnin Qazaxıstanın Hesablama komitəsinin yaradılmasının 10 illiyi ilə eyni vaxtda aprelin 21-22-də keçiriləcək beynəlxalq konfransda müzakirə edilməsi planlaşdırılır. Azərbaycan tərəfindən burada HP sədri Namiq Nəsrullayevin iştirakı planlaşdırılır.
Rusiya HP-nin məlumatına görə, son 4 il ərzində təbiəti mühafizə xarakterli 40-dan çox yoxlama keçirilib.
