Aprelin 20-də respublika üzrə torpaq kadastrının yaradılması layihəsinin eyniləşdirilməsi üçün Dünya Bankının torpaq inzibatçılığı üzrə baş mütəxəssisi, layihənin rəhbəri Geyvinq Adlinqtonun başçılıq etdiyi nümayəndə heyətinin Bakıya səfəri başlanılır. Bu barədə Trend bankın Bakıdakı nümayəndəliyindən məlumat verilib. Bu onun bu layihə üzrə Azərbaycana ilk səfəridir və səfər aprelin 28-nə kimi davam edəcək.
Layihə Azərbaycanda daşınmaz əmlakın qeydiyyatı komponentinin kənd təsərrüfatının inkişafı və kreditləşməsi layihəsindən ayrılması nəticəsində yaradılıb.
Hökumətdə işlərin qiymətləndirilməsi üzrə işlər 2006-cı ilin birinci yarısında başa çatacağını ehtimal edirlər.
Kənd təsərrüfatı layihəsində torpaq reyestrinin yaradılmasına $5-10 mln. vəsait qoyulub. Hökumətdə belə mürəkkəb və böyük layihə üçün bu vəsaitin kifayət etmədiyini hesab edirlər. Çünki təkcə Naxçıvanda kənd təsərrüfatı layihəsinin birinci fazası çərçivəsində reyestrin yaradılması üçün $3 mln. vəsait sərf olunub . Özü də bu zaman NMR-da 300 min əhalinin yaşadığı nəzərə almaq lazımdır. Deməli, 8 milyon əhalisi olan respublikanı bütünlüklə əhatə edəcək tammiqyaslı proqramın həyata keçirilməsi üçün $15-20 mln. vəsait tələb olunur.