Azərbaycan auditorları Asiya Ali Audit İnstitutları Təşkilatının (ASOSAI) X assambleyasında iştirak edəcək. Hesablama Palatasından Trend ə verilən məlumata görə, tədbir sentyabrın 12-dən 16-dək Şanxayda (Çin) keçiriləcək. Assambleyada həmçinin "Hökumət hesabdarlığının artırılmasında auditin rolu" mövzusunda 3-cü simpozium keçiriləcək.
Assambleya 3 ildən bir keçirilir və burada ASOSAI ali maliyyə nəzarətinin təşkili məsələləri müzakirə olunur.
Təşkilat Beynəlxalq Ali Audit İnstitutları Təşkilatının (INTOSAI) 7 regional işçi qrupunun biridir. INTOSAI 1979-cu ildə yaradılıb.
Təşkilatın əvvəlki assambleyası 2003-cü ildə Manilada Hesablama Palatasının sədri Namik Nəsrullayevin rəhbərlik etdiyi nümayəndə heyətinin iştirakı ilə keçirilib.