Bakıda yeraltı keçidlərin tikintisinə 7,5 mln. AZN sərf olunacaq
İyunun 22-də Rəşid Behbudov və Fizuli küçələrinin kəsişməsində piyada keçidin təməli qoyulub. Bu proses Azərbaycan prezidentinin "2006-2007-ci illərdə Bakı şəhərində nəqliyyat sisteminin təkmilləşdirilməsi" haqqında fərmanı çərçivəsində həyata keçirilir.
Bu keçidin tikintisi Akkord şirkəti tərəfindən gerçəkləşdiriləcək. Layihənin dəyəri 999 min AZN-dir. Tikinti işləri 8 aydan sonra başa çatacaq. Bu şirkət Bül-Bül və Füzuli küçələrinin kəsişməsində daha bir keçidin inşasını həyata keçirəcək. Bu layihənin dəyəri 999 min AZN-dir və 8 aydan sonra başa çatacaq.
Bakıda 7 keçidin inşası layihəsinin ümumi dəyəri 7,5 mln. AZN qiymətləndirilir. Bu vəsaitə Bül-Bül və Nizami küçələrinin kəsişməsində 1 mln. 245 min AZN (8 ay ərzində), Səməd Vurğun və Nizami küçələrinin kəsişməsində isə 1 mln. 245 min AZN dəyərində (8 ay ərzində) keçidlər tikiləcək. Hər iki layihə Saako şirkəti tərəfindən gerçəkləşdiriləcək.
Səməd Vurğun və Bakıxanov küçələrinin, o cümlədən Səməd Vurğun və "Təzə bazar"ın kəsişmələrində keçidlərin inşası layihələrini isə AS inşaat 10 ay ərzində həyata keçirəcək. Dəyər - 1 mln. AZN-dir.
Bül-Bül və Üzeyir Hacıbəyov küçələrindəki keçid Sarıdağlar şirkəti tərəfindən tikilir. Bu layihənin dəyəri 1 mln. 5 min AZN, həyata keçirilmə müddəti 1 ildir.
