2006-cı ilin yanvar-may aylarında Naxçıvan MR-da 33646,9 min manat həcmində məhsul istehsal olunub və xidmət göstərilib ki, bu da ötən ilin müvafiq dövri ilə müqayisədə 43,6% çoxdur. Bu barədə Trend ə Naxçıvan MR-nın Bakıdakı daimi nümayəndəliyindən məlumat verilib.
Bu məbləğin 82,4%-i və ya 27712,4 min manatı məhsul istehsalı, 17,6%-i və ya 5934,5 min manatı xidmət sahəsinin payına düşür.
Sənaye istehsalının 0,3%-ni hasilat, 86,1%-ni emal sahəsi təşkil edir, 13,6%-i su və elektrik enerjisinin istehsalı ilə məşğul olan müəssisələrin payına düşür.
