İsveçrənin İqtisadi Əlaqələr üzrə Dövlət Katibliyi (SECO) Almaniyanın KFW bankı ilə danışıqlardan sonra Azərbaycan hökumətinin xahişi ilə Gəncə və Şəkidə su şəbəkələrinin bərpa layihəsi şərtlərinin sadələşdirilməsi ilə razılaşıb. Nazirlər Kabinetindən Trend ə verilən məlumata əsasən, SECO əvvəl su tarifləri və su pullarının yığım əmsalının artırılması qrafikinin müqavilədən çıxarılmasına etiraz etmişdi.
Razılaşdırılmış müqaviləyə əsasən, tariflərin qaldırılması su xərclərinin ödənilməsi məqsədilə hökumətin mülahizəsilə həyata keçiriləcək. Vəziyyət aydınlaşdırıldıqdan sonra "Azərsu" SC hökumətə su layihəsi üzrə tam paketi təqdim edib. Nazirlər Kabinetindən verilən məlumata əsasən, müvafiq nazirlik və qurumların rəyinin alınmasından sonra kredit müqaviləsinin imzalanmana səlahiyyət veriləcək.
Layihənin 3,5-4 ilə nəzərdə tutulmuş 2-ci mərhələsinin dəyəri 54 mln. avro həcmində razılaşdırılıb. 37 mln. avro - KfW, 10 mln. avro - qrant şəklində SECO, 7 mln. avro - Azərbaycan hökumətinin payı hesabına ayrılacaq.