2006-cı ilin yanvar-iyun aylarında Azərbaycanda kartof yığımı 17600 hektar sahədə həyata keçirilib. Ümumi əkin sahəsi isə 66731 hektara bərabər idi. Yığımın həcmi 233 400 min ton təşkil edib ki, bu da ötən ilin müvafiq dövri ilə müqayisədə 22 400 ton çoxdur.
Kənd Təsərrüfatı Nazirliyi bitkiçilik məhsullarının istehsal və emalı və torpaqdan istifadəyə nəzarət şöbəsinin rəis müavini Rizvan Mustafayevin Trend ə verdiyi məlumata görə, bu müddət ərzində tərəvəz yığımı 256 min tondan çoxdur ( ötənilki göstəricidən 32700 ton çox) Tərəvəzlərin ümumi əkin sahəsi 79145 hektardır. "Hazırda regionlarda məhsul yığımı davam edir" - deyə o qeyd edib.