İyulun 24-dən Vergilər Nazirliyi tərəfindən başlanmış genişmiqyaslı operativ nəzarət tədbirlərinin birinci günü qanunvericiliyin pozulması ilə bağlı 734 protokol tərtib edilib, 49 hüquqi şəxsə 14.553 AZN, 685 fiziki şəxsə isə 52.745 AZN, ümumilikdə 67.298 AZN məbləğində inzibati cərimə kəsilib.
Bakıda həyata keçirilən vergi reydlərinin məqsədi əhali ilə nağd pul hesablaşmalarının aparılması qaydalarına riayət olunmasına, bu zaman nəzarət-kassa aparatlarından istifadə edilməsi və vurulmuş kassa çeklərinin alıcılara təqdim edilməsinə nəzarət etməkdir.