Yaxın günlərdə Tarif Şurasının növbəti iclası keçiriləcək. İqtisadi inkişaf naziri Heydər Babayevin dediyi kimi, iclasda səhiyyə sistemində pullu xidmət tariflərinin müzakirəsi planlaşdırılır. Bundan əlavə, nəqliyyat tariflərinin nəzərdən keçirilməsi də mümkündür. "Biz müvafiq dövlət orqanlarına nəqliyyat məsələləri ilə bağlı müraciət etmişik və onların rəyini gözləyirik. Çatdırsaq, bu məsələ də Tarif Şurasının iclasının gündəliyinə daxil ediləcək" - deyə nazir qeyd edib. Söhbət avtomobil nəqliyyatında distansiya tariflərindən gedir.
Bu iclas dəfələrlə təxirə salınıb ki, bu da səhiyyə sahəsindəki sənədlərin öyrənilməsinin çox vaxt tələb etməsilə bağlıdır. Pullu tibbi xidmətlərin təşkili sahəsində böyük qüsurların olması üzündən pullu xidmətlərin qiymətlərini nizamlamaq üçün 2006-cı ilin əvvəlində Səhiyyə Nazirliyinin Tibbi Yardım şöbəsinin lisenziyalaşdırma və nəzarət sektoru ilə Tarif Şurası müxtəlif kateqoriyalı adamlar üçün ayrı-ayrı xidmət növlərinin qiymətlərinin kalkulyasiyasını hazırlayıb.
Tariflər hazırlandıqda bir sıra şərtlər, avadanlığın maya dəyəri, maddi-texniki baza, həkimlərin təcrübə və elmi dərəcəsi nəzərə alınıb. Kalkulyasiya 4 mindən çox tibb müəssisəsini əhatə edir.
2005-ci ildə nazirliyin nəzdində fəaliyyət göstərən 160 tibb müəssisəsi və idarəsi qismən pullu xidmət göstərir, 108 obyekt isə təsərrüfat hesabna keçib.
