Zaqataladakı aeroportun yenidənqurulması və müasirləşdirilməsinə gələn il başlanılacaq. Bu barədə Trend ə hökümətdən məlumat verilib. Burada Gəncə aeroportundakından daha çox işlərin görülməsi nəzərdə tutulub. Bu onunla izah olunur ki, Gəncədəki işlər fəaliyyətdə olan aeroportun bazasında görülürdü. Zaqataladakı aeroport, demək olar ki, işləmirdi. Orada yeni uçuş-enmə zolağının və aerovağzal kompleksinin inşası nəzərdə tutulub.
Hazırda Gəncədəki aeroportun yenidənqurulması üzrə tamamlayıcı işlər görülür. Həmin layihənin qiyməti təxminən 39,5 mln. ABŞ dollarıdır. Layihə dövlət büdcəsinin vəsaitləri və AZAL-ın şəxsi vəsaitləri hesabına həyata keçirilir. Aeroportda uçuş zolağı uzadılıb, hava hərəkətinin idarə olunması üzrə köhnəlmiş sistemlər dəyişdirilib və aerovağzal kompleksi yenidən qurulub.
Hazırda Lənkəran aeroportunun yenidənqurulması davam edir. Həmin layihə üçün vəsaitlər dövlət büdcəsindən və "AZAL" Dövlət konserninin şəxsi vəsaitlərindən ayrılır.
Dövlət konserni artıq Naxçıvan aeroportunun yenidən qurulmasını həyata keçirib.
