Almaniyanın BASF şirkəti Azərbaycanda tikinti sektoru üçün kimyəvi məhsul istehsalında ixtisaslaşan zavodun yaradılması üçün ilk investisiyaları həyata keçirib. Trend Turquoise şirkətinin (BASF şirkətinin Azərbaycanda rəsmi distribütoru və tərəfdaşı) baş direktoru Xəyal Məmmədxanlıya istinadən xəbər verir ki, müəssisə H.Z.Tağıyev adına qəsəbədə tikilib. O, Azərbaycanın Turquoise şirkətinin 20% təsisçiliyi və Almaniyanın BASF şirkətinin 80% iştirakı ilə yaradılıb. Tikintiyə qoyulan lik investisiyalar 5 mln. ABŞ dolları təşkil edib. Rəsmi olaraq o, 2006-cı ilin sentyabr ayında fəaliyyətə başlayıb.
Onun sözlərinə görə, gələcəkdə investisiya qoyuluşları genişləndiriləcək, indi isə vəsaitlər De Gusto markalı 10-15 adda məhsulun istehsalı üçün avadanlıqların alınması üçün sərf olunub. BASF-ın distribütoru kimi, Turquoise şirkəti onun məhsulunun ölkədə satışı üzrə şəbəkələrə malikdir, lakin indi hələ yeni zavodda marketinq funksiyalarını yerinə yetirir.
İlin sonunadək zavod məhsullarının satış həcminin 600 min avroya, 2007-ci ildə 2 mln. avroya qədər artırılması planlaşdırılıb. X.Məmmədxanlının sözlərinə görə, sonrakı illərdə bu həcmlər iki dəfə artacaq. "Bu, ölkənin tikinti bazarının öyrənilməsindən və buraxılan məhsulun çeşidinin genişləndirilməsindən asılıdır. Bunun üçün gələcəkdə imkanların nümayiş etdirilməsi üçün beton, sement istehsalçılarının iştirakı ilə ölkədə beton qurultaylarının keçirilməsi planlaşdırılır", -deyə Turquoise şirkətinin başçısı qeyd edib.
2005-ci ildə BASF şirkətinin tədavülü 52 mlrd. ABŞ dolları təşkil edib, bunun 7 mlrd. ABŞ dolları şirkətin gəlirinin payına düşür. Şirkətdə 82 min nəfər çalışır. BASF dünyanın kimyəvi şirkətləri arasında ən böyüyüdür. "Onun Azərbaycana gəlməsinin başlıca məqsədi tikinti sektorunda boşluqların aradan qaldırılmasıdır, çünki bu sektorda böyük potensial var. Bu sektorda beton və yapışqanın keyfiyyəti ilə bağlı bəzi problemlər mövcuddur. 2003-cü ildən etibarən Turquoise şirkəti BASF məhsulunu Azərbaycana tədarük edir, lakin potensialı nəzərə alaraq, BASF ölkədə öz zavodunu yaratmaq qərarına gəlib", - deyə X.Məmmədxanlı qeyd edib.
