Üç dövlət maliyyə nəzarəti orqanı - Azərbaycan və Rusiyanın Hesablama palataları və Qazaxıstanın Respublika Büdcəsinə Nəzarət üzrə Hesablama Komitəsi Xəzərin su bioloji resurslarından effektiv istifadənin və nərə balığının mühafizəsi və səmərəli istifadəsinə yönəldilən vəsaitin auditini aparırlar.
Azərbaycan Hesablama Palatasından (AHP) Trend ə verilən məlumata görə, işlər sentyabrın əvvəlində imzalanmış üçtərəfli saziş əasında aparılır.
"Protokolla nəzərdə tutulmuş tədbirləri müzakirə etmək üçün hal-hazırda Palatanın auditoru Cəfər Həsənov Moskvada səfərdədir", - deyə AHP-dən bildiriblər.
Tərəflər arasında əldə olunmuş sazişə əsasən, ölkələr auditin aparılmasına dair informasiya mübadiləsi aparacaqlar. Auditi ilin sonuna kimi yekunlaşdırmaq planlaşdırılır.
