Trend in xəbər verdiyi kimi, Azərbaycan Dövlət İnvestisiya Şirkətinin nizamnamə kapitalının formalaşması üçün artıq 60 mln manat vəsait ayrılıb. Noyabrın 1-də keçirilmiş mətbuat konfransında ARDNF-in icraçı direktoru Şahmar Mövsümov bildirib ki, elan olunmuş həcm 2006-cı ilin sonunadək tamamilə ödəniləcək. ARDNF-in hesabına şirkətin nizamnamə kapitalına 90 mln manat vəsaitin köçürülməsi planlaşdırılıb.
Onun sözlərinə görə, gələn il üçün investisiya şirkətinin kapitalının artırılması nəzərdə tutulmur.
Bu yaxınlarda keçirilmiş iclasda ölkə prezidentinin investisiya şirkətinin fəaliyyətinin gücləndirilməsi ilə bağlı verdiyi tapşırıqlarla əlaqədar, hazırda bir sıra layihələr üzərində təhlil aparılır və qısa müddət ərzində onlar dövlət başçısına təqdim olunacaq", - deyə Ş.Mövsümov qeyd edib.
AİŞ Azərbaycan prezidentinin qeyri-neft sektorunun inkişafı, bu sahədə fəaliyyət göstərən müəssisələrin maddi və texniki bazalarının bərpası üçün investisiya qoyuluşlarının təşviqi məqsədilə 30 mart 2006-cı il tarixli sərəncamı ilə yaradılıb.