Azərbaycan bankları assosiasiyası (ABA) rəyasət heyətinin iclasının ilkin tarixi dekabrın 19-na təyin olunub. ABA -nın icraçı direktoru Fərhad Əliyevin Trend ə verdiyi xəbərə görə, iclasda 2007-ci il üçün ştat cədvəlinin, assosiasiya və onun törəmə qurumlarının ("Banklar və biznes" jurnalının və Azərbaycan bank tədris mərkəzinin) xərc və gəlirlərinin smetasının təsdiq olunması gözlənilir.
İclasın gündəliyinə həmçinin 2007-ci il üçün büdcə paketi çərçivəsində Vergi məcəlləsində dəyişikliklərlə bağlı məsələlər, o cümlədən banklarda ƏDV-hesabların açılması sisteminin tətbiq olunması və investisiya qiymətli kağızlar üzrə faizlərdən töhfə və gəlirlər üzrə dividendlərə güzəştlərin uzadılması daxildir.
İclasda həmçinin hazırda aparatı müvəqqəti ünvanda yerləşən ABA-nın yerləşdiyi yerlə bağlı məsələ də nəzərdən keçiriləcək. Lakin F.Əliyev hesab edir ki, assosiasiya aparatının fəaliyyəti üçün əlverişli şəraitin yaradılması üçün yeni müstəqil binanın tapılması məqsədəuyğun hesab olunur. Bu məsələyə dair ABA üzvləri tərəfindən ideya və iradlar var və onlar rəyasət heyətində müzakirə olunacaq.
Assosiasiya nizamnaməsinin layihəsi üzərində işlər tamamilə başa çatmadığından, layihənin ABA rəyasət heyətinin müzakirəsinə çıxarmaq planlaşdırılmır. Hazırda assosiasiyanın fəaliyyəti 10 il bundan əvvəl qəbul olunmuş nizamnamə əsasında həyata keçirilir.
Bankların təkliflərini nəzərə almaqla yeni nizamnamə layihəsinin diqqətlə işlənməsi üçün 7 bankın nümayəndələrindən ibarət işçi qrupu yaradılıb.
