...

Dövlət Statistika Komitəsi 2006-cı ildə Azərbaycan iqtisadiyyatına kapital qoyuluşunu dəqiqləşdirib

Biznes və iqtisadiyyat xəbərləri Materials 25 Yanvar 2007 16:38 (UTC +04:00)

Dövlət statistika komitəsinin dəqiqləşdirilmiş məlumatlarına görə, 2006-cı il ərzində bütün maliyyə mənbələrindən müəssisə və təşkilatlar sosial və iqtisadi sahələrin inkişafına 5985,7 mln. manat qoyub, bu isə 2005-ci ildə əsas kapitala investisiya qoyuluşlarından 14,8% çoxdur.

Dövlət Statistika Komitəsindən Trend ə verilən məlumata görə, təmir-tikinti işlərinə qoyulan investisiyaların həcmi 9,7% artıb. Tikinti işlərinə sərf olunmuş investisiyaların 70%-i qeyri-dövlət sektorunun payına düşür.

Xarici investisiyaların xüsusi çəkisinin ümumi həcmi 3229,6 mln. manat təşkil etməklə, 54% təşkil edib. Müvafiq olaraq investisiyaların ümumi həcmindən 46% daxili investisiyaların payına düşür.

İstehsalat yönümlü obyektlərin tikintisi üçün 5077,2 mln. manat (bütün investisiyaların 84,8%-i) istifadə olunub. Ölkədə istehsalat və sosial obyektlərin dinamik inkişafı nəticəsində yeni iş yerlərinin açılması təmin olunub. Şamaxıda avtomobil zavodu, İmişli şəkər zavodu və idman kompleksi, Şəkidə şirə istehsalı üzrə zavod, Naxçıvan, Astara, Şəki, Xaçmazda 87 MVt gücündə modul elektrik stansiyaları, Gəncədə beynəlxalq aeroport və şokolad fabriki, Mingəçevirdə kompüter istehsalı üzrə müəssisə, NMR-də uzunluğu 326,3 km olan yeni qaz kəməri və s. müəssisələr istismara verilib.

Dövlət büdcəsindən mühüm obyektlərin tikintisinə nəzərdə tutulmuş 884,3 mln. manatdan 90,5 % (800,4 mln. manat) yönəldilib.

Xəbər lenti

Xəbər lenti