Azərbaycan Hesablama Palatası (AHP) ölkənin dövlət büdcəsindən 2004-2005-ci illərdə və 2006-cı ilin 9 ayı ərzində təhsilin inkişaf proqramı üçün ayrılmış vəsaitlərin xərclənməsinin icra edilməsi üzrə auditin yekunlarını müzakirə edib.
Trend in AHP-yə istinadən verdiyi xəbərə görə, audit zamanı aşkar olunub ki, hazırda təhsil sahəsində 12 dövlət proqramı üzrə işlər görülür. Bu proqramların icrası dövlət büdcəsinin vəsaitləri, Dünya Bankının, Heydər Əliyev Fondu və başqa mənbələrin kredit vəsaitləri hesabına maliyyələşdirilib.
2004-2005-ci illərdə və 2006-cı ilin 9 ayı ərzində rabitənin inkişafı üzrə dövlət proqramının icrası, əsasən, təmin olunub. Dövlət proqramlarının reallaşdırılması üçün işlər həyata keçirilib, qaydalar və vəsaitlər üzərində nəzarət təsdiq olunub.
Bəzi vəsaitlərin icrasında nöqsanlar aşkar olunub. Malların alınması zamanı "Dövlət satın almaları haqqında" Qanunun tələbləri tam yerinə yetirilməyib. Nəşr üçün dərsliklərin siyahıları gec təsdiq olunub. Bəzi nəşriyyat evləri müqavilədə nəzərdə tutulmuş tələbləri yerinə yetirməyib. Bəzi dərsliklərin nəşr prosesində nöqsanlar aşkar olunduğundan, onların nəşri tamamilə dayandırılıb. Dövlət proqramlarında pulsuz dərsliklərin yalnız dövlət məktəblərinin şagirdlərinə verilməsinin nəzərdə tutulduğuna baxmayaraq, dərc olunmuş dərsliklər həmçinin özəl təhsil müəssisələrində də paylanıb.
Auditin yekunlarına görə müvafiq dövlət orqanlarının məlumatlandırılması haqqında qərar qəbul olunub. Auditin yekunlarının müzakirəsində təhsil naziri Misir Mərdanov və nazirliyin məsul şəxsləri iştirak edib.
