Azərbaycanın İxracat və İnvestisiya Fondunun (AZPROMO) Himayəçilər Şurasının 2007-ci ildə ilk iclası fevralın 6-da keçiriləcək.
AZPROMO-dan bu gün Trend ə verilən məlumata əsasən, iclas şuranın rəhbəri, iqtisadi inkişaf naziri Heydər Babayevin sədrliyi ilə keçiriləcək. İclasın gündəliyinə fondun 2006-cı il fəaliyyətinin hesabatı, 2007-ci il üçün plan və bu il üçün tədbirlər planı, Himayəçilər Şurasının tərkibinə yeni üzvlərin qəbulu məsələsi daxil eiləcək.
Bu gün baxılmaq üçün şuranın tərkibinə daxil olmaq niyyətində olan 17 şirkətin təklifləri nəzərdən keçirilir. Himayəçilər şurasının 74 üzvü var və onlardan 50-dən çoxu şirkət və holdinqləri təmsil edir.
2007-ci il üçün fəaliyyət planına təxminən 30 tədbir daxildir - biznes-forum, təqdimatlar. Bu il əsasən ixracat və investisiyaların həvəsləndirilməsi istiqamətində işlərin aparılması nəzərdə tutulub.
AZPROMO-nun planlarına Azərbaycanda və xaricdə informasiya mərkəzlərinin yaradılması daxildir.
