Azərbaycan, Bakı/ Trend müxbir İ.Xəlilova/ Azərbaycan bankları ikinci beynəlxalq ödəmə sistemi üzrə kartların tətbiqini fəallaşdırıblar. "Azerikard" prosessinq mərkəzindən bildirilib ki, əvvəllər banklar bir ödəmə sisteminə qoşulmağa çalışırdılar, indi isə hər iki sistemə - "Visa International" və "MasterCard"a üzv olmağa çalışırlar.
"Azerikard" vasitəsilə xidmət olunan 29 bankdan bu gün yalnız "Deka Bank", "AzAL Bank", "Parabank" və "GunayBank" heç bir ödəmə sisteminə üzv deyil. Bununla yanaşı, yeni yaradılmış banklardan biri - "Xalq Bank" və yeganə regional bank - "Gandja Bank" artıq "Visa" sisteminə qoşulublar və hazırda onların bu ödəmə sisteminə üzvlük məsələsinə baxılması üçün forma doldururlar.
Paralel olaraq "Xalq Bank" "MasterCard" sisteminə də qoşulur. O, "Mugan Bank" və "Texnika Bank"ın işlədiyi ikinci ödəmə sistemi olacaq.