Azərbaycan, Bakı/ Trend müxbir Ü.İsmayılova/ Gəncə avtomobil zavodu Minsk traktor zavodu ilə birgə Gürcüstanda traktor satışı planı hazırlayır. Bu barədə çərşənbə günü Bakıda keçirilən Belarus Sənaye sərgsisində "Minsk traktor zavodu"nun texniki direktor müavini Viktor Lubeşko bildirib.
Lubeşkonun sözlərinə görə, bu məsələnin həlli Azərbaycan tərəfinin qərarından asılıdır.
O qeyd edib ki, zavodun illik istehsal gücü 2 min traktordur.
Hazırda 120 traktorun satış işləri başa çatdırılır.
Azərbaycanda "Minsk traktor zavodu"nun bütün növ yük avtomobillərinin və traktorlarının yığılması və satışı barədə müqavilə 2006-cı ilin noyabr ayında Minskdə (Belarus) imzalanıb.