...

Azərbaycanın Milli Depozit Mərkəzi gəlirin artacağını gözləyir

Biznes və iqtisadiyyat xəbərləri Materials 14 May 2007 15:19 (UTC +04:00)

Azərbaycan, Bakı/ Trend müxbir İ.Xəlilova/ Azərbaycanın Milli Depozit Mərkəzi 2007-ci ili 2006-cı ildə olan 170 min manat balans gəlirinə qarşılıq 300 min manat gəlirlə başa vurmaq niyyətindədir. Bu barədə mərkəzin direktoru Bəxtiyar Əzizov bildirib.

"Biz builki siyasətimizi vergi tariflərində dəyişiklik etmədən hazırlamışıq və hazırkı tariflərlə 2007-ci ili uğurla başa çatdırmağı planlaşdırırıq. İlin əvvəlində tariflərdə müəyyən dəyişikliklər oldu - sövdələşmələrin qeydiyyatı üçün minimum ödəniş artırıldı. Amma eyni zamanda reyesterin tətbiqi nəticəsində tariflər iki dəfə azalıb" - deyə Əzizov bilidirib.

Tariflərin dəyişdirilməsi depozitləşmənin qiymət siyasəti ilə bağlı olub - MDM-in fəaliyyətinin lazımi səviyyədə saxlanılması, kadrların hazırlanması, müvafiq texnikanın buraxılışı üçün kifayət qədər vəsait sərf olunub.

MDM müasirləşdirmə, məlumatın artması ilə əlaqədar olaraq kompüter bazasının və proqram təminatının inkişafı üçün müxtəlif proqramlar tətbiq etmək niyyətindədir.

Orta hesabla MDM ildə 50-100 emitent sazişi bağlayır. Ayda 8-10 müqavilə bağlanılır, amma müqavilələrin ləğv olunması halları da olur.

MDM səhmlərinin 100 faizinin sahibi Azərbaycan Prezidenti yanında Qiymətli Kağızar üzrə Dövlət Komitəsidir.

Əzizovun sözlərinə görə, mərkəzin ehtiyacları üzrə gəlirin bölgüsü MDM-in təklifləri əsasında QKDK-nın icazəsi ilə həyata keçirilir. Mərkəzin böyük məbləğdə vəsaiti isə Sumqayıtda quraşdırılacaq ehtiyyat serverin alınmasına sərf olunacaq.

Xəbər lenti

Xəbər lenti