Azərbaycan, Bakı /müx. Trend S.Əliyev/ Azərbaycanın Tarif Şurası Nazirlər Kabineti yanında Azərbaycan Dövlət Dəniz Administrasiyasının göstərdiyi xidmətlərin tariflərini təsdiqləyib. Bu barədə Administrasiyadan verilən məlumatda deyilir. Yeni tariflər 2007-ci il iyunun 1-dən tətbiq ediləcək.
Tarif və xidmətlərin siyahısı:
| № | Xidmətin adı | Tariflər (ƏDV-siz, manatla) |
| 1. | Azərbaycan Respublikasının Bayrağı altında üzmək hüququna (patent) dair şəhadətnamənin verilməsi | 400 |
| 2. | Azərbaycan Respublikasının Bayrağı altında müvəqqəti üzmək hüququna dair şəhadətnamənin verilməsi | 350 |
| 3. | Gəmiyə sahiblik hüququna dair şəhadətnamənin verilməsi | 300 |
| 4. | Ekipajın tərkibi haqda şəhadətnamənin verilməsi | 200 |
| 5. | Neftlə çirklənmənin qarşısının alınması haqda şəhadətnamənin verilməsi (yalnız dövlət mülkiyyətində olan gəmilərə) | 900 |
| 6. | Azərbaycan Respublikasının dövlət gəmi reyestrindən gəminin qeydiyyatının ləğvinə dair şəhadətnamənin verilməsi (reyestrdə berbout-çarter (Bareboat charter)) | 150 |
| 7. | Gəminin reyestrdən çıxarılması | 250 |
| 8. | Gəminin "Gəmi və liman qurğularının beynəlxalq mühafizə kodeksi" uyğunluğuna dair şəhadətnamənin verilməsi | 1800 |
| 9. | Limanın (liman məntəqəsinin) "Gəmi və liman qurğularının beynəlxalq mühafizə kodeksi" uyğunluğuna dair şəhadətnamənin verilməsi | 3200 |
| 10. | Gəmiyə beynəlxalq dəniz təşkilatının nömrəsinin verilməsi haqda şəhadətnamənin verilməsi | 120 |
| 11 | Dənizçi sertifikatlarının, peşəkar şəhadətnamələrin (diplom) və vəsiqələrin verilməsi (1978-ci il aid dənizçilərin hazırlığı və diplom verilməsi, habelə növbə çəkmə beynəlxalq konvensiyasına uyğun): | |
| 11.1 | Gəminin zabit heyəti üçün (ixtisas sertifikatları və vəsiqələr) | 30 |
| 11.2 | Gəminin sıravi heyəti üçün (ixtisas sertifikatları və vəsiqələr) | 20 |
| 11.3 | Gəminin üzən heyəti üçün (hazırlıq kurslarının sertifikatları) | 10 |
| 12. | Gəmilərin liman nəzarətinin aparılması | 170 |
| 13. | Gəminin liman nəzarətinin nəticələrinin yolxlanılması | 380 |
| 14. | Gəminin "Gəmilərin təhlükəsiz idarəedilməsinə dair beynəlxalq məcəllə" tələblərinə uyğunluğuna dair şəhadətnamənin verilməsi | 1200 |
| 15. | Dəniz şirkətinin "Gəmilərin təhlükəsiz idarəedilməsinə dair beynəlxalq məcəllə" tələblərinə uyğunluğuna dair şəhadətnamənin verilməsi | 2400 |
| 16. | Gəminin illik texniki yoxlanılması (radionaviqasiya və elektronaviqasiya avadanlığı və cihazları, xilasedici qurğular və avadanlıq, göyərtə mexanizmləri və avadanlıq, maşın bölməsinin mexanizmləri, qəza avadanlığı və gəminin təminatı, sərnişin avadanlığı və təminatı, gəmi bölmələri, yanğın əleyhinə təminat, avadanlıq və radio-rabitə cihazları, məişət sistemləri və avadanlıq, yük sistemləri, mexanizmlər, sistemlər və bölmələr, ballast sistemi) - 1 registr tonu üçün | 0,50 |
