Azərbaycan, Bakı /müxbir Trend İ.Xəlilova /2007-ci ilin yanvar-aprel aylarının yekunlarına əsasən, Azərbaycan MDB ölkələri arasında sənaye artımı templəri üzrə birinci yeri tutub. Bu barədə MDB Dövlətlərarası Statistika Komitəsinin məlumatında bildirilib.
Azərbaycan Birlik dövlətləri arasında bir daha lider mövqeyini saxlayıb və sənaye artımının göstəricisi 36,6 faiz təşkil edib.
İkinci yeri 12,5 faiz artım templəri ilə Ukrayna tutub, üçüncü Qazaxıstan - 9,5 faiz, dördüncü Rusiya - 7,5 faiz. Yanvar-apreldə Tacikistanda sənaye istehsalı 7,4 faiz, Belarusda 6,7 faiz, Qırğızıstanda 2,5 faiz, Ermənistanda 1,7 faiz artıb.
İlk dörd ayın yekunları üzrə sənaye məhsulları istehsalının aşağı düşməsi Moldovada qeydə alınıb - 6,4 faiz.
MDB dövlətləri üzrə 2007-ci ilin yanvar-aprelində orta sənaye istehsalı keçən ilin analoji dövrü ilə müqayisədə 9 faiz artıb. Sənaye istehsalı dinamikası haqqında Gürcüstan, Özbəkistan və Türkmənistan üzrə məlumatlar yoxdur.
