Azərbaycan, Bakı/müxbir Trend S.Əliyev/ Azərbaycan Mlli Bankının idarə heyətinin sədr müavini Rüfət Aslanlının sözlərinə görə, Azərbaycanda hazırda fəaliyyət göstərən 17 bank 1 iyul 2007 tarixinə 10 mln. dollar həcmində müəyyənləşdirilən ümumi kapitala qoyulan normativ tələbləri yerinə yetiriblər. Onun sözlərinə görə, bu bankların kapitalı 10 mln. -dan çoxdur. Pocht Bank istisna olmaqla bütün banklar 1 yanvar 2007-ci il üçün qoyulan 8,32 mln. manat tələbi yerinə yetiriblər. "Onların sırasına ilin əvvəlində qoyulan normativi yerinə yetirmədiyi üçün bank lisenziyası Azərbaycan Mlli Bankının idarə heyəti tərəfindən əlindən alınan üç bank da daxildir", deyə Azərbaycan Mlli Bankının sədr müavini vurğulayıb.Onlara əmanətləri qəbul etmək qadağan edilib və bu qadağalar hələ aradan qaldırılmayıb.
"Biz son həddin 10 mln. olmasını gözləyirik və bu bankların kapitallaşdırma vəziyyətindən asılı olaraq Milli Bank məhdudiyyətlərin aralan qaldırılması məsələsinə baxacaq", deyə Aslanlı qeyd edib. Respublikada cəmi 44 bank fəaliyyət göstərir. Bankların ümumi kapitalına yeni tələblərin qoyulmasına gəldikdə isə, hazırda Milli Bank bu məsələlərə baxmır. "Bank sektoru çox dinamik inkişaf edir və üç il ərzində bütün göstəricilərin artımı müşahidə olunub. Bank sisteminin inkişaf templərindən çıxış edərək biz bu və ya digər bank normativlərini nəzərdən keçiririk", - deyə
Azərbaycan Mlli Bankının sədr müavini vurğulayıb.
